نیژنی نووگورد

نیژنی نووگورد
روس دا شہر
نیژنی نووگورد دی کریملن
جھنڈا	نشان
نیژنی نووگورد دا محل وقوع
شہر دا دن	ستمبر دا پہلا سنیچر
سیاسی حثیت
دیس	روس
وفاقی اکائی	نیژنی نووگورد اوبلاست
انتظامی مرکز	نیژنی نووگورد اوبلاست دا
میونسپل حثیت
شہری اوکروگ	نیژنی نووگورد شہری اوکروگ
میئر	اولگ سوروکن
عوامی نمائندگی دا ادارہ	شہری دوما
اعداد تے شمار
کل رقبہ	466.5مربع کلومیٹر
آبادی (2010ء)	12،50،615
آبادی دی گنجانی	3،045لوک فی مربع کلومیٹر
آبادی چ نمبر	5واں
ویلہ	ماسکو ویلہ (یو ٹی سی 3+)
قیام	1221ء
پرانے ناں	نیژنی نووگورد(1932ء تک) تے گورکی (1990ء تک)
سرکاری ویب سائیٹ	http://www.admgor.nnov.ru/ Archived 2017-09-25 at the وے بیک مشین

نیژنی نووگزرد دا اک گرجا

دریائے اوکا اتے بنے تن پلاں چوں اک

نیژنی نووگورد اپنی 12،50،615 دا آبادی نال روس دا ماسکو ، سینٹ پیٹرزبرگ ، نووسیبیرسک تے ییکیترنبرگ مگرون 5واں وڈا شہر اے ۔ ایہہ روس دے نیژنی نووگورد اوبلاست دا اک شہر تے انتظامی مرکز (راجگڑھ) اے ،اس دے نال نال ایہہ وولگا وفاقی ضلع دا انتظامی مرکز وی اے ۔

نیژنی نووگورد وولگا وئیاتکا اقتصادی علاقے دا ثقافتی تے اقتصادی مرکز وی اے ۔

1932ء توں 1990ء تک شہر دا ناں ، میکسم گورکی جہڑا ایتھے جمیا دے ناں اتے گورکی رہیا ۔

ایہہ شہر وفاق روس دا اہم اقتصادی ، ٹرانسپورٹ تے ثقافتی مرکز اے ۔

تریخ

قرون وسطی دے شہزادےآں دی ریاست

اس تھاں اتے 1221ء چ روس دے یوری دوم نے لکڑی دے اک پہاڑی قلعے دی نیونہہ رکھی ، جہڑا اس راجواڑے دے دو اہم دریاواں وولگا تے اوکا دے سنگم اتے واقع سی ۔ نیژنی نووگورد دے ناں دا مطلب تھلواں نواں شہر اے ، جہڑا پرانے شہر ویلیکی نووگورد توں علیحدہ شناخت لئی رکھیا گیا ۔ اس شہر دے اہمیت دے حامل محل وقوع پاروں اسنوں مسلسل موردوی حملے دا خطرہ رہیا ۔ منگولاں نے 4 مارچ 1238ء چ اس قلعے اتے مل مار لیا ۔

ماسکو تے تویر نال نال ، نیژنی نووگورد ، اوہناں کئی نویں بسے قصبےآں چوں اک سی جہڑے اپنی غیر اہمیت پاروں منگولاں دی تباہی توں بچے رہے ، پر تاتاریاں (طلائی اردو) دی باجگزاری چ روسی سیاسی جیون دے اہم مرکز بنے ۔ منگول خان نال اک معاہدے نال نیژنی نوزگورد نوں 1264ہ چ ولادیمیر سوزدال راجواڑے چ ضم کردتا گیا ۔ 86 سالاں مگروں اسدی اہمیت ہو ودھ گئی ، جدوں سوزدال دے طاقتور راجواڑے دا راجگڑھ ، گرودیتس 1350ء چ توں ایتھے منتقل ہویا ۔ شہزادہ اعظم دمیتری کونستانتینووچ (1323ء توں 1383ء) نے اپنے راجگڑھ نوں ماسکو دے برابر حریف بنان دا سوچیا ، اسنے ایتھے پتھر دا بالا حصار (قلعہ) تے کئی گڑجے اسارے ۔

ماسکو دا مضبوط قلعہ

1392ء چ شہر دے ماسکوی روس چ انضمام دے مگروں مقامی شہزادےآں نے ماسکو چ سکونت اختیار کرلئی ۔ 1408ء چ کریمیائی تاتاراں دے سردار ایدیگو ہتھوں جلن مگروں ، نیژنی نووگزرد نوں مڑ اساریا گیا تے خانان قازان دے خلاف ماسکوی روس دیاں لڑائیاں چ ایہہ اک مضبوط قلعے دے طور اتے سامنے آیا ۔ اس دی لال اٹاں آلی کریملن روس دے مضبوط تے پہلے قلعےآں چوں اک اے ، جہڑی 1508ء توں 1511ء وشکار اک اطالوی پیٹر دی نگرانی چ اساری گئی ۔ ایہہ قلعہ اینا مصبوط سی کہ 1520ء تے 1536ء دے خانان قازان دے تاتاریاں دے شہر دے محاصرے خلاف کھڑی رہی ۔

معیشت

نیژنی نووگورد اوبلاست صنعتی پیداوار دے لحاظ نال روس چ 7ویں نمبر اتے اے ۔ اوبلاست چ 650 صنعتی کمپنیاں نیں جنہاں چ تقریبا 7 لکھ مزدور کم کردے نیں ، ایہہ اوبلاست دے کل مزدوراں دا 62 فیصد اے ۔

آن جان دے ذریعے

سڑک

شہر روسی شاہراں ایم 7 ، جہڑی ماسکو ، نیژنی نووگورد، قازان تے اوفا نوں ملاندی اے اتے واقع اے تے مقامی سرگ نیٹ ورک دا مرکز اے ۔

ہوائی اڈا

نیژنی نووگزرد دے سترریگینو ہوائی اڈے توں روس] دے وڈے شہراں لئی سدھیاں فلائٹاں نیں تے اسدے نال نال فرینکفرٹ (جرمنی) لئی وی ہفتے چ اک دن فلائٹ اے ۔

دریائی رستے

نیژنی نووگزرد دریائے وولگا اتے مسافراں تے کارگز شپنگ دا اہم مرکز اے ۔ گرمیاں چ کروز بحری جہاز نیژنی نووگورد ، ماسکو ، سینٹ پیٹرزبرگ تے استراخان وچکار چلدے نیں ۔

ثقافت تے رہتل

پلانیٹیریئم تے سرکس

نیژنی نووگورد شہر چ 600 توں ودھ تریخی ، تعمیراتی تے ثقافتی یادگاراں نیں ، اس پاروں ای یونیسکو نے نیژنی نووگورد نوں جگ دے ، سبتوں اچی تریخی تے ثقافتی اہمیت رکھن آلے سو شہراں دی فہرست چ شامل کیتا اے ۔

نیژنی نووگورد دی آرٹ گیلری

نیژنی نووگورد دی آرٹ گیلری اک وڈی تے اہم آرٹ گیلری تے انسانی تریخ تے رہتل دا عجائب گھر اے ۔

تعلیم

نیژنی نووگورد چ ایہہ تعلیمی ادارے نیں:

• لمباچووسکی نیژنی نووگورد سٹیٹ یونیورسٹی
• الیکسیف نیژنی نووگورد سٹیٹ ٹیکنیکل یونیورسٹی
• نیژنی نووگورد سٹیٹ آرکیٹیکچر تے سول انجینیئرنگ یونیورسٹی
• نیژنی نووگورد سٹیٹ لنگوئسٹک یونیورسٹی
• نیژنی نووگزرد کمرشل انسٹیٹیوٹ
• نیژنی نووگورد سٹیٹ پیڈاگوجیکل یونیورسٹی
• نیژنی نووگورد سٹیٹ میڈیکل اکیڈمی
• نیژنی نووگورد سٹیٹ زرعی اکیڈمی
• وولگا وئیاتکا سول سروس اکیڈمی

اس دے علاوہ شہر چ 20 تحقیقاتی انٹیٹیوٹ وی نیں ۔

آبادی دے سعاب کتاب

نیژنی نووگورد روس دے بوہتے دھرماں (کثیر مذہبی)آلے علاقےآں چوں اک اے ۔

• آبادی: 3,524,028 (2002)
  • شہری: 2,754,997
  • دیہی: 769,031
  • بندے: 1,600,609 (45.4%)
  • زنانیاں: 1,923,419 (54.6%)
• 1000 بندے اتے زنانیاں: 1202
• اوسط عمر: 39.8
  • شہری: 39.1
  • دیہی: 43.3
  • بندے: 36.1
  • زنانیاں: 42.7
• گھراں دی گنتی: 1,362,027 ( 3,465,935 دی آبادی لئی)
  • شہری: 1,051,602 ( 2,720,077 دی آبادی لئی)
  • دیہی: 310,425 (745,858دی آبادی لئی )

• جم (2008): 35,581 (10.6 فی 1000)
• موتاں (2008): 61,140 (18.3 فی 1000)

موسم

نیژنی نووگورد دا موسم براعظمی اے ۔

شہر

نیژنی نووگورد شہر دریائے اوکا پاروں دو علیحدہ حصےآں چ ونڈیا ہویا اے ۔ اتلا حصہ ناگورنایا چاست (پہاڑی حصہ) دریائے اوکا دے چڑھدے (سجے) پہاڑی کنڈے اتے واقع اے ۔ اس حصے چ 8آں چوں 3 شہری ضلعے واقع نیں ، جنہاں چ شہر انتظامی طور اتے ونڈیا ہویا اے ۔

• نیژنیگورودسکی (شہر دا تریخی تے انتظامی مرکز)
• پریؤکسکی ؛
• سویتسکی ۔

تھلواں شہر زاریچنایا چاست (دریا دے نال آلا حصہ) دریائے اوکا دے تھلویں (لہندے) پاسے واقع اے تے شہر دے 8آں چزں پنجاں ضلعےآں اتے مشتمل اے  :

• کاناونسکی (نیژنی نووگورد میلے تے وڈے ریلوی ٹیشن دی تھاں)

• ماسکووسکی (سوکول ایئرکرافٹ پلانٹ ایتھے واقع اے)
• سارمووسکی (ایتھے وولگا شپ یارڈ واقع اے)
• آفتوزاوودسکی (ایہہ ضلع GAZ آٹوموٹیو پلانٹاں دے دوالے قائم کیتا گیا اے)
• لیننسکی ۔

اج دا تھلواں شہر نیژنی نووگورد چ 1929ء توں 1931ء دوران شامل کیتا گیا سی

بین الاقوامی تعلقات

نیژنی نووگورد دے ایہہ چڑوان شہر نیں:

• ایزن ، جرمنی
• جینان ، چین
• خارکیف ، یوکرین
• لینز ، آسٹریا
• ماتانزاس ، کیوبا
• نووی ساد ، سربیا
• فلاڈیلفیا ، امریکہ
• سانت بوئی ، سپین
• سووون ، دکھنی کوریا
• تامپیرے ، فن لینڈ

مورت نگری

• 
  نیژنی نوووگورد کریملن دے اندر
• 
  تیر، نیویسکی کیتھڈلال، اسٹیڈیم اور کرسمس چرچ
• 
  لیبر کا محل
• 
  بولشایا پوکوفسیا سٹریٹ
• 
  نیژنی نووگورد ٹیکنیکل یونیورسٹی
• 
  گورکی آٹوموبائل پلانٹ

ہور ویکھو

• Munro-Butler-Johnstone, Henry Alexander, A trip up the Volga to the fair of Nijni-Novgorod, Oxford: J. Parker and co., 1876.
• Fitzpatrick, Anne Lincoln, The Great Russian Fair: Nizhnii Novgorod, 1840-90, Houndmills, Basingstoke, Hampshire: Macmillan, in association with St. Antony’s College, Oxford, 1990. ISBN 0-333-42437-9

باہرلے جوڑ

• Nizhny Novgorod شہری حکومت دی ویب سائیٹ Archived 2006-07-17 at the وے بیک مشین
• نیژنی نووگورد شہری رہنمائی نیژنی نووگورد دی سیاحتی تے کارموباری رہنمائی
• نیژنی نووگورد ویلکمنگ سنٹر ویب سائیٹ
• شہر دیاں مورتاں Archived 2008-10-22 at the وے بیک مشین
• شہر دے بارے Archived 2008-10-25 at the وے بیک مشین
• www.hist.nnov.ru/architect/ Archived 2006-07-25 at the وے بیک مشین
• نیژنی نووگورد سٹیٹ آرٹ میوزیم دی سائیٹ Archived 2006-06-14 at the وے بیک مشین
• نیژنی نووگورد دا آرٹ میوزیم
• http://www.nne.ru The Nizhny Novgorod and Arzamas Archdiocese
• Asociacion de amigos de Gorki Archived 2008-12-04 at the وے بیک مشین - (ہسپانوی بولی چ) - "گورکی دے متراں دی اسوسیئیشن", یونیسکو دی اک تنظیم.
• VisitNizhny.com Archived 2020-10-19 at the وے بیک مشین نیژنی نووگورد چ سیاحتی تے دلچسپیاں بارے معلومات
• نیژنی نووگورد ویڈیو
• نیژنی نووگورد ویڈیو 2
• ہوورکرافت "ہیوس" نیژنی نووگورد چ Archived 2011-11-21 at the وے بیک مشین
• نیژنی نووگورد دی بس تے ٹرانسپورٹ سروس Archived 2012-01-27 at the وے بیک مشین
• نیژنی نووگور آن لائن
• "نیژنی نووگورد: لینڈسکیپ چ تریخ"
• فوٹو گورکی
• نیژنی نووگورد پورٹل Archived 2011-10-21 at the وے بیک مشین
• Reviews, articles, town legends "نیژنی نووگورد دستاویزاں" Archived 2010-11-12 at the وے بیک مشین
• نیژنی نوزگورد دی یہودی کمیونٹی" Archived 2012-12-21 at Archive.is
• آرچ اینجل گرجا

ویب کیمرے

• 100+ ویب کیم نیژنی نووگورد اتے Archived 2010-01-16 at the وے بیک مشین
• ویب کیم ، گورکوو چوک.
• Web-camera, Lyadova sq. تسیں اوکسکیئے سئیزد ویکھ سکدے او, گیگارینا پروسپیکٹ, تیمیریازیوا شاہراہ Archived 2009-08-09 at the وے بیک مشین
• Web-camera, Gorkogo sq. تسیں نووایا سڑک ویکھ سکدے او. Archived 2011-11-10 at the وے بیک مشین
• ویب کیمرا, کوالیخنسکایا تےپروویانتسکایا سرکاں دی کراسنگ Archived 2008-09-17 at the وے بیک مشین